मगर समुदायको ४४औं राष्ट्रिय मगर एकता दिवसको अवसरमा स्याङ्जाका आठ स्थानीय तहले शुक्रबार (फागुन १५ गते) सार्वजनिक बिदा दिने निर्णय गरेका छन् ।

जिल्लाका ११ स्थानीय तहमध्ये पुतलीबजार नगरपालिका, भीरकोट नगरपालिका, वालिङ नगरपालिका, गल्याङ नगरपालिका र चापाकोट नगरपालिकाका साथै कालीगण्डकी गाउँपालिका, हरिनास गाउँपालिका र बिरुवा गाउँपालिकाले छुट्टाछुट्टै सूचना जारी गर्दै बिदाको घोषणा गरेका हुन् ।

स्थानीय तहहरूले जारी गरेको सूचनाअनुसार पालिकाभित्रका वडा कार्यालय, स्वास्थ्य चौकी, विद्यालय तथा सार्वजनिक संघ–संस्थामा बिदा दिइएको जनाइएको छ ।