स्याङ्जाको वालिङ नगरपालिका–१२ कोखेबाट प्रहरीले भरुवा बन्दुकको आकारमा बनाइएका काठ तथा फलाम जडित सात थान संरचना बरामद गरेको छ ।

प्रहरीले बुधबार ती सामग्री बेवारिसे अवस्थामा फेला पारी नियन्त्रणमा लिएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीले जानकारी दिए ।

प्रहरीका अनुसार बरामद गरिएका सामग्रीमा भरुवा बन्दुकको आकारमा काठ तथा फलाम जडित संरचना सात थान, फलामका नाल तीन थान र बन्दुकको फ्रेम बनाउन प्रयोग हुने डाई एक थान रहेका छन् ।

प्रहरीले ती सामग्री कसले र कुन प्रयोजनका लागि उक्त स्थानमा राखेको हो भन्ने विषयमा अनुसन्धान थालेको जनाएको छ । बरामद सामग्रीसम्बन्धी थप अनुसन्धान प्रक्रिया जारी रहेको प्रहरीले जनाएको छ ।