सडकको नालीमा बेवारिसे भरुवा बन्दुक फेला
स्याङ्जाको वालिङ नगरपालिका–११ ज्वाङखोलास्थित सडकको नालीमा बेवारिसे अवस्थामा भरुवा बन्दुक फेला परेको छ ।
जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीका अनुसार मंगलबार बिहान वडा प्रहरी कार्यालय वालिङबाट खटिएको प्रहरी गस्ती टोलीले बन्दुक फेला पारेको हो ।
वालिङ–स्वरेक भित्री सडकखण्डअन्तर्गत नालीमा रहेको बेसाबुत एकनाले भरुवा बन्दुक एक थान बरामद गरेको प्रहरीले जनाएको छ ।
बेवारिसे अवस्थामा फेला परेको बन्दुक बरामद गरी घटनाबारे थप अनुसन्धान अघि बढाइएको सूचना अधिकारी अवस्थीले जानकारी दिए ।
प्रकाशित मिति: मंगलबार, असोज ६, २०८३ १५:१५
प्रतिक्रिया दिनुहोस्
साताको लोकप्रीय
