जिल्लाभरका फोटोग्राफरहरूको साझा छाता संस्था ‘फोटोग्राफर मञ्च स्याङजा’को दोस्रो अधिवेशन तथा साधारण सभा शनिबार गल्याङमा उत्साहपूर्वक सम्पन्न भएको छ । अधिवेशनले हिमाल न्यौपानेलाई सर्वसम्मत रूपमा मञ्चको नयाँ अध्यक्षमा चयन गरेको छ ।
नवगठित १५ सदस्यीय कार्यसमितिमा वरिष्ठ उपाध्यक्षमा बाबुराम रेग्मी, उपाध्यक्षमा शिव भण्डारी, सचिवमा प्रदीप पाठक र कोषाध्यक्षमा विकास खाँण निर्वाचित भएका छन् । अन्य सदस्यहरूमा जिल्लाका विभिन्न स्थानीय तहका फोटोग्राफरहरू समावेश छन् ।
अधिवेशनमा जिल्लाभरका फोटो व्यवसायीहरूको उल्लेखनीय सहभागिता रह्यो । नव-निर्वाचित अध्यक्ष हिमाल न्यौपानेले जिल्लाभर छरिएका फोटोग्राफरहरूलाई संगठित गर्दै पेशागत हकहित र सीप अभिवृद्धिका लागि संस्था सक्रिय रूपमा अघि बढ्ने प्रतिबद्धता व्यक्त गरे ।
“व्यावसायिक फोटोग्राफीलाई सम्मान र पहिचान दिलाउने हाम्रो लक्ष्य हो,” अध्यक्ष न्यौपानेले भने, “स्याङ्जा जिल्लाभरका फोटोग्राफरहरूलाई एकीकृत गर्दै सशक्त संस्था निर्माण हाम्रो पहिलो प्राथमिकता हुनेछ ।”
अधिवेशनले स्थानीय स्तरमा फोटोग्राफरहरूको व्यावसायिक एकता, सीप विकास र सशक्तिकरणमा नयाँ गति दिने विश्वास सहभागीहरूले व्यक्त गरेका छन् । स्याङ्जाको फोटोग्राफी क्षेत्रमा यो अधिवेशनलाई एक महत्वपूर्ण कोसेढुङ्गा मानिएको छ ।
