प्रेम किशोर अर्यालले आफ्नो पहिलो गीत ‘बल्ल माया जेलियो’ सार्वजनिक गरेका छन् । दुई दिनअघि मात्र ‘घनश्याम रिजाल’ युट्युब च्यानलमार्फत सार्वजनिक यो आँधीखोले ख्याली गीतले छोटो समयमा नै दर्शक–श्रोताको ध्यान आकर्षित गर्न थालेको छ ।

गीतका शब्द प्रेम किशोर अर्यालले लेखेका हुन् भने संगीत घनश्याम रिजालको रहेको छ । यस गीतमा अर्याल र गायिका रिना केसीको सुमधुर स्वर सुन्न सकिन्छ ।

गीतको भिडियो जेरी भण्डारीको निर्देशन र कोरियोग्राफीमा तयार गरिएको हो । भिडियोमा जेरी भण्डारी र अस्मिता रनपाललगायतका कलाकारहरूको उत्कृष्ट अभिनय देख्न सकिन्छ ।

भिडियोको छायांकन गणेश सापकोटाले गरेका हुन् भने सम्पादन सुजन कोइरालाले गरेका हुन् । गीत र भिडियोलाई लिएर श्रोता तथा दर्शकबाट राम्रै प्रतिक्रिया मिलिरहेको गायक अर्यालको भनाइ छ ।

प्रेम किशोर अर्याल भन्छन्, “दर्शक–श्रोताले पहिलो गीतमा दिएको साथ र माया मेरो लागि प्रेरणाको स्रोत बनेको छ ।”